පිලිපීනයේ පැවැති 7 වැනි ASEAN Plus Individual Open චෙස් තරගාවලිය ජයග්‍රහණය කිරීමත් සමඟ අනුජ්ට මෙම ඓතිහාසික ගෞරවය හිමිවූ අතර, මධ්‍ය ප්‍රදේශ් ප්‍රාන්තයෙන් බිහිවූ පළමු චෙස් ග්‍රෑන්ඩ්මාස්ටර්වරයා වන්නේ ද ඔහුයි.
මෙම ජයග්‍රහණය පසුපස ඇත්තේ කැපවීම සහ අධිෂ්ඨානය පිළිබඳ අපූරු කතාවක්. තරගාවලියේ පළමු වටයේදීම පරාජයට පත්වීමට සිදුවුවත්, අධෛර්යමත් නොවූ අනුජ් වට 9 කින් ලකුණු 7 ක් ලබා ගැනීමට සමත් වුණා.සොෆ්ට්වෙයාර් ඉංජිනේරුවරයෙකු ලෙස සාර්ථක වෘත්තීය මගක් තෝරාගැනීමට ඉඩ තිබියදීත්, චෙස් ක්‍රීඩාව කෙරෙහි තිබූ දැඩි ඇල්ම සහ සිහිනය වෙනුවෙන් ඔහු එම ක්ෂේත්‍රය අත්හැරීමට තරම් නිර්භීත වුණා. 2020 දී ඉන්ටර්නැෂනල් මාස්ටර් (International Master) තිළිණය දිනාගත් අනුජ්, ජාත්‍යන්තර තරග බිමේ නොකඩවා ඉදිරියට යමින් අවසානයේ චෙස් ක්‍රීඩාවේ ඉහළම සිහිනය සැබෑ කරගත්තා.
විශ්වනාදන් ආනන්ද් ඉන්දියාවට ලබාදුන් ඒ අභිමානවත් ආරම්භයේ සිට අද වන විට ඉන්දියාව ජාත්‍යන්තර චෙස් පිටියේ ප්‍රබලතම බලවතා බවට පත්ව තිබෙනවා. වත්මන් ලෝක ශූර ඩී. ගුකේෂ් (D. Gukesh), ආර්. ප්‍රඥානන්ද (R. Praggnanandhaa) සහ අර්ජුන් එරිගයිසි (Arjun Erigaisi) වැනි ලෝකපූජිත තරු රැසක් බිහිකළ ඉන්දියාව, 2026 ජූලි සිට නොවැම්බර් දක්වා වූ කෙටි කාලය තුළ පමණක් ග්‍රෑන්ඩ්මාස්ටර්වරුන් පස්දෙනෙකුම බිහිකිරීම විශේෂත්වයක්.
ඉන්දීය චෙස් සම්මේලනයේ සභාපති නිතින් නාරං මහතා පවසන්නේ මෙය සමස්ත රටටම ආඩම්බරයක් වන අතර, ඔවුන්ගේ ඊළඟ ඉලක්කය ග්‍රෑන්ඩ්මාස්ටර්වරුන් 200 දෙනෙකුගේ සන්ධිස්ථානය වෙත ළඟාවීම බවයි.
මෙවර දීපාවලී උත්සව සමයේදීම ලැබුණු මෙම ඓතිහාසික ජයග්‍රහණය, සමස්ත ඉන්දීය ක්‍රීඩා ලෝලීන්ටම උත්සවශ්‍රීයට තවත් අමතර ප්‍රීතියක් එක්කළ සුභ ආරංචියක් වුණා. තමන්ගේ සිහිනය වෙනුවෙන් ආරක්ෂිත වෘත්තීය මගක් පවා අත්හැරීමට තරම් නිර්භීත වූ අනුජ් ශ්‍රීවාත්‍රිගේ මෙම ගමන, තමන්ගේ ආශාවන් හඹායන ඕනෑම තරුණයෙකුට ලබාදෙන්නේ විශාල අභිප්‍රේරණයක්.
