මෙම ඓතිහාසික හා හැඟීම්බර අවස්ථාව සඳහා ලලිතා සරච්චන්ද්‍ර මැතිණිය ඇතුළු සරච්චන්ද්‍ර පවුලේ සාමාජිකයන් මෙන් ම මෙරට කලාව පෝෂණය කළ ප්‍රවීණ කලාකරුවන් රැසක් ද එක්ව සිටීම සුවිශේෂ විය. එසේ ම, බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා ද මෙම අභිමානවත් සැමරුමට විශේෂ ආරාධිත අමුත්තෙකු ලෙස සහභාගී විය.
දශක හතක් පුරා ශ්‍රී ලාංකේය ප්‍රේක්ෂක හදවත් ස්පර්ශ කළ "මනමේ", තවත් චිරාත් කාලයක් අපේ කලා ඉතිහාසය තුළ වැජඹෙනු නොඅනුමානයි.
