ඉන්දියානු සිනමාවේ අභිමානවත් සුපිරි තරුව රජිනිකාන්ත් ප්‍රධාන චරිතයට පණ පොවන ‘ජේලර් 2’ (Jailer 2) චිත්‍රපටය ලබන නොවැම්බර් 12 වැනිදා සිට Amazon Prime Video ඔස්සේ නැරඹීමට අවස්ථාව හිමිවන බව එම සමාගම විසින් තහවුරු කර තිබෙනවා.
ලොව පුරා සිනමාහල්වල තවමත් සාර්ථකව තිරගත වන අතරතුරදීම මෙලෙස streaming මාධ්‍යයට එක්වීම සිනමාලෝලීන්ට ලැබුණු අපූරු ආරංචියක් වෙනවා.
නෙල්සන් දිලීප්කුමාර්ගේ අධ්‍යක්ෂණයක් වන මෙම නිර්මාණයේදී රජිනිකාන්ත් නැවතත් අප හමුවට එන්නේ ‘මුතුචේල් පාණ්ඩියන්’ නම් හිටපු බන්ධනාගාර නිලධාරියාගේ චරිතයෙන්. බලවත් අපරාධ කල්ලියක් විසින් තම පවුලට එල්ල කරන තර්ජනය හමුවේ ඔහු නැවතත් ක්‍රියාදාමයන් අතරට පැමිණෙන ආකාරය මෙම චිත්‍රපටයෙන් නිරූපණය වෙනවා. මීට අමතරව ඉන්දීය සිනමාවේ ප්‍රමුඛ පෙළේ තරු වන මොහන්ලාල්, හෘතික් රෝෂන් සහ විජේ සේතුපති ද මෙහි විශේෂ චරිත සඳහා එක්ව සිටිනවා.
කොඩියුලර් පෙළපතේ තවත් පියවරක් තබමින් මෙම චිත්‍රපටය ලොව පුරා ඉන්දියානු රුපියල් කෝටි 820 කට (ඉන්දීය රුපියල් බිලියන 8.2) වඩා ආදායමක් උපයා ගැනීමට සමත්ව තිබෙනවා. ඒ අනුව දෙමළ සිනමා ඉතිහාසයේ වැඩිම ආදායමක් ලැබූ චිත්‍රපටය බවටද මෙය පත්ව තිබෙනවා.
ශ්‍රී ලංකාව ඇතුළුව රටවල් සහ කලාප 240 කට වැඩි ප්‍රමාණයක ප්‍රේක්ෂකයින්ට දෙමළ, තෙලිඟු, හින්දි, මලයාලම් සහ කන්නඩ යන භාෂා රැසකින් මෙම නිර්මාණය නැරඹීමේ පහසුකම Amazon Prime Video මඟින් සලසා තිබෙනවා.
