ලෝක සූපවේදීන්ගේ සංගමයේ ජාත්යන්තර නීති රීති හා මාර්ගෝපදේශවලට අනුකූලව ක්රියාත්මක වූ මෙම තරඟාවලිය සඳහා ත්රිවිධ හමුදාව, සංස්කෘතික ත්රිකෝණයේ ප්රමුඛ පෙළේ හෝටල් නියෝජනය කරන වෘත්තීය සූපවේදීන් මෙන්ම මධ්යම සහ උතුරු මැද පළාත්වල පාසල් සිසුන් ද උනන්දුවෙන් සහභාගී වී තිබෙනවා.
මෙවර තරඟකාරී අංග 422ක් යටතේ දක්ෂතා දැක්වීමට දක්ෂ තරඟකරුවන් 325 දෙනෙකු එක්ව සිටීම විශේෂත්වයක් වන අතර, සංචාරක පුරවරයක පැවති මෙම අපූරු අත්දැකීම රස විඳීමට දෙස් විදෙස් සංචාරකයින් විශාල පිරිසක් ද එක්වී තිබෙනවා.
මෙවර සමස්ත කණ්ඩායම් ශූරතාව දිනා ගැනීමට ශ්රී ලංකා ගුවන් හමුදා කටුනායක මූලික කඳවුරු කණ්ඩායම සමත්වී ඇති අතර, එහි අනුශූරතාව හිමිකරගෙන තිබෙන්නේ රත්මලාන මූලික කඳවුරු කණ්ඩායමයි. මීට අමතරව, Most Prominent Mixologist සම්මානය ගුවන් හමුදා මූලස්ථානයේ කෝප්රල් ධනංජය විසින් දිනාගත් අතර, Most Outstanding Culinary Master සම්මානය දිනාගැනීමට එම මූලස්ථානය නියෝජනය කළ සිවිල් සේවක එම්. බී. එස්. පී. කුමාර මහතා සමත්වී තිබෙනවා.
