වෛද්යවරුන් පවසන පරිදි මෙවැනි උපතක් සිදුවිය හැක්කේ මිලියන 15ක ගැබ්ගැනීම් අතරින් එක් වරක් පමණයි. විශේෂයෙන්ම මෙම දරුවන් සිව්දෙනාම එකම ගර්භාෂ පටලය හෙවත් වැදෑමහ (placenta) බෙදාගනිමින් වර්ධනය වීම මෙම සිදුවීම තවත් අතිශයින්ම දුර්ලභ හා විශේෂ එකක් බවට පත් කර තිබෙනවා.
මවගේ ගර්භණී සමය අතිශය උස් අවදානම් සහිත එකක් වුවද, නොපසුබස්නා උත්සාහය සහ වෛද්ය කණ්ඩායමේ කැපවීම මත ගර්භ කාලය සති 28යි දින 4ක් දක්වා රඳවා ගැනීමට හැකි වී තිබෙනවා. පසුව සාර්ථක සිසේරියන් සැත්කමක් මඟින් මෙම පුංචි දූවරුන් ලෝකයට බිහි කෙරුණා.
මේ වන විට බ්රිස්බේන් රාජකීය කාන්තා රෝහලේ නවජ දැඩි සත්කාර ඒකකයේ විශේෂ ප්රතිකාර ලබමින් සිටින මෙම දරුවන් සිව්දෙනාම ඉතා යහපත් සෞඛ්ය තත්ත්වයෙන් පසුවීම කාගේත් සතුටට කරුණක්.
මීට පෙරත් දරුවන් හතර දෙනෙකුගේ දෙමාපියන් වූ මෙම වාසනාවන්ත යුවළ, නව සාමාජිකයන් සිව්දෙනාගේ පැමිණීමත් සමඟ දැන් සාමාජිකයන් දස දෙනෙකුගෙන් යුත් අතිවිශාල සතුටුදායක පවුලක හිමිකරුවන් වී සිටිනවා. ජීවිතයේ විවිධ අපූර්ව අරුමයන් මවන සොබාදහමේ තවත් අපූරු අපූරු තිළිණයක් ලෙස මෙම සිව්දැඟලි දියණීවරුන්ගේ උපත හැඳින්විය හැකියි.
