මෙම අද්විතීය ආහාර අත්දැකීමෙහි ප්රධාන විශේෂත්වය වන්නේ, ඉන්දියාවේ බැංගලෝර් නුවර පිහිටි ප්රසිද්ධ 'Salone Ceylon by Harpo' ආපන ශාලාවේ ප්රවීණ සූපවේදී චතුර ඊෂාන් මහතා විසින් මෙහි මෙනුව සකස් කර තිබීමයි. ශ්රී ලංකාවට ආවේණික කුළුබඩුවල සුවඳ සහ නැවුම් රසය එලෙසම ඉන්දීය වැසියන් වෙත සමීප කිරීමට ඔහු සමත්ව තිබෙනවා.
සාම්ප්රදායික ආප්ප, කොත්තු රොටි, සුවඳවත් ව්යාංජන, නැවුම් මුහුදු ආහාර සහ විවිධ දේශීය සම්බෝල වර්ග රැසක් මෙම උළෙලේදී රස බැලීමට ඉන්දීය පාරිභෝගිකයින්ට අවස්ථාව උදා වී තිබෙනවා.
දෙරට අතර සංස්කෘතික සබඳතා තවදුරටත් ශක්තිමත් කරමින්, ශ්රී ලංකාවේ අනන්ය වූ දේශීය රසයන් අසල්වැසි ඉන්දියාව තුළ ජනප්රිය කිරීමට මෙම වැඩසටහන හරහා විශාල මෙහෙයුමක් ඉටු වෙමින් පවතිනවා.
