මෙයට පිළියමක් ලෙස, මෙටා සමාගමට අයත් ඉන්ස්ටග්රෑම් ජාලය සුවිශේෂී තීරණයක් ගෙන තිබෙනවා. ඒ අනුව, යම් දරුවෙකු සියදිවි නසාගැනීම් හෝ ස්වයං හානිකර ගැනීම් සම්බන්ධ දේවල් නැවත නැවතත් අන්තර්ජාලය ඔස්සේ සෙවීමට උත්සාහ කළහොත්, ඒ පිළිබඳව ඔවුන්ගේ දෙමාපියන්ව දැනුවත් කිරීමට පියවර ගන්නා බව ඔවුන් පවසනවා.
ආරක්ෂිත පියවරක් ලෙස දෙමාපියන්ට ලැබෙන දැනුම්දීම්
මෙම නව පහසුකම ක්රියාත්මක වන්නේ ඉන්ස්ටග්රෑම් හි ඇති 'Supervision' (දෙමාපිය අධීක්ෂණ) සැකසුම සක්රිය කර ඇති ගිණුම් සඳහායි. දරුවෙකු අහිතකර අන්තර්ගතයන් සෙවීමට උත්සාහ කරන සෑම අවස්ථාවකම දෙමාපියන්ට ඒ පිළිබඳ අනතුරු ඇඟවීමක් ලැබෙනු ඇත.
දැනටමත් මෙවැනි හානිකර සෙවීම් අවහිර කර, දරුවාව උපදේශන සේවාවන් වෙත යොමු කිරීමට ඉන්ස්ටග්රෑම් කටයුතු කරන අතර, මෙම නව දැනුම්දීමේ ක්රමය හරහා දෙමාපියන්ට තම දරුවාගේ මානසික තත්ත්වය පිළිබඳව අවධානයෙන් සිටීමට වැඩි අවස්ථාවක් හිමි වේ. ලබන සතියේ සිට ඇමරිකාව, බ්රිතාන්යය, ඕස්ට්රේලියාව සහ කැනඩාව යන රටවල මෙම ක්රමය මුලින්ම ක්රියාත්මක වීමට නියමිතයි.
සමාජ මාධ්ය තහනම පිළිබඳ ලෝකයේ අවධානය
දරුවන් සමාජ මාධ්ය භාවිතය පාලනය කිරීම සඳහා ලෝකයේ ප්රබල රටවල් රැසක් මේ වන විට දැඩි නීති රීති ගෙන එමින් පවතිනවා. විශේෂයෙන්ම ඕස්ට්රේලියාව විසින් වයස අවුරුදු 16ට අඩු දරුවන්ට සමාජ මාධ්ය භාවිතය තහනම් කිරීමට ගත් තීරණයත් සමඟ බ්රිතාන්යය, ස්පාඤ්ඤය, ග්රීසිය සහ ස්ලොවේනියාව වැනි රටවල් ද එවැනි සීමාවන් පැනවීමට සලකා බලමින් සිටිනවා. කෘතිම බුද්ධිය මගින් නිර්මාණය කරන අසභ්ය හෝ අහිතකර රූප රාමු දරුවන්ට දැකගත හැකි වීම මෙවැනි දැඩි තීරණවලට ප්රධාන හේතුවක් වී තිබෙනවා.
ඉන්ස්ටග්රෑම් හි වයස අවුරුදු 16ට අඩු දරුවන් සඳහා වන 'Teen Accounts' වල පෞද්ගලිකත්ව සැකසුම් වෙනස් කිරීමට නම් දෙමාපියන්ගේ අවසරය අනිවාර්ය වේ. තාක්ෂණය දියුණු වන තරමටම දරුවන්ගේ මානසික සෞඛ්යය අවදානමට ලක්විය හැකි බැවින්, මෙවැනි මෙවලම් නිවැරදිව භාවිත කිරීම දෙමාපියන් සතු වගකීමකි.
දරුවා සමඟ විවෘතව කතාබහ කිරීම සහ ඔවුන් අන්තර්ජාලය තුළ ගත කරන කාලය පිළිබඳව අවධානයෙන් සිටීම තුළින් ඔවුන්ව අනවශ්ය පීඩනයන්ගෙන් මුදවා ගැනීමට අපට හැකියාව පවතිනවා.
