මෙම නව පද්ධතිය අමෙරිකා එක්සත් ජනපදය, ඕස්ට්රේලියාව ඇතුළු රටවල් 85ක පුරවැසියන් සඳහා අනිවාර්ය කර තිබේ. මෙය වීසා බලපත්රයක් නොව, ඩිජිටල් අවසර පත්රයකි. ඔබ සංචාරය සඳහා එක්සත් රාජධානියට ඇතුළු වීමට පෙර මෙම අනුමැතිය ලබාගත යුතු අතර, එමඟින් ඔබට වසර දෙකක කාලයක් ඇතුළත හෝ ඔබේ විදේශ ගමන් බලපත්රය කල් ඉකුත් වන තෙක් වරින් වර එරටට යාමට අවස්ථාව ලැබේ. එක් සංචාරයකදී මාස හයක් දක්වා කාලයක් එහි රැඳී සිටීමට මෙමඟින් අවසර හිමිවන බැවින්, නිදහසේ සංචාරය කරන්නන්ට මෙය මහඟු පහසුවකි.
කෙසේ වෙතත්, මෙම නව නීති රීති හමුවේ යම් යම් අභියෝග ද මතු වී තිබේ. විශේෂයෙන් ද්විත්ව පුරවැසිභාවය හිමි පුද්ගලයින්, ETA පද්ධතියේ ඇති සංකීර්ණතා මඟහරවා ගැනීමට බ්රිතාන්ය විදේශ ගමන් බලපත්ර ලබාගැනීමට දැඩි උත්සාහයක නිරත වන බව විදෙස් මාධ්ය වාර්තා කරයි.
එසේ වුවද, බ්රිතාන්ය හෝ අයර්ලන්ත පුරවැසිභාවය ඇති අයට මෙන්ම, රැකියා හෝ දීර්ඝකාලීන අධ්යාපනය සඳහා පැමිණෙන (දැනටමත් වීසා හිමි) පුද්ගලයින්ට මෙම ETA අවසරය අවශ්ය නොවේ. තවද, ඔබ බ්රිතාන්ය ගුවන්තොටුපළක් හරහා වෙනත් රටකට යන මගියෙකු නම් සහ දේශසීමා පරීක්ෂාවන්ගෙන් පිටතට නොයන්නේ නම්, ඔබට ද මෙම රීතිය බලපාන්නේ නැත.
තාක්ෂණය සමඟ මුසු වූ මෙම නව පද්ධතිය හරහා බ්රිතාන්ය රජය අපේක්ෂා කරන්නේ දේශසීමා ආරක්ෂාව වඩාත් තහවුරු කිරීමටයි.
ඔබත් නුදුරේදීම බ්රිතාන්යයේ සංචාරය කිරීමට බලාපොරොත්තුවෙන් සිටී නම්, ගුවන් ටිකට්පත් වෙන් කිරීමට පෙර ඔබේ රට මෙම ලැයිස්තුවට ඇතුළත් දැයි සහ ඔබට ETA අවශ්ය දැයි නැවත වරක් පරීක්ෂා කර බැලීම නුවණට හුරුය. ලෝකය වෙනස් වන වේගයට අනුකූලව ඔබේ සංචාරක ලේඛන ද සූදානම් කරගෙන, බාධාවකින් තොර සුන්දර සංචාරයක අත්දැකීම විඳගන්න දැන් ඔබට අවස්ථාව තිබේ.
