ඉරිදා දිනය වඩාත් උද්යෝගිමත් වූයේ ඩි මොන්ට්ෆෝර්ට් විශ්වවිද්යාලය අසලින් ඇරඹුණු සුප්රසිද්ධ ‘සිංහ නර්තනය’ සමඟිනි. ඉන් අනතුරුව නගර මධ්යය හරහා ගමන් කළ දැවැන්ත පෙරහැර, නරඹන්නන්ගේ නෙත් සිත් ඇදගන්නා සුලු වූ අතර, එදින රාත්රිය නිමාවට පත්වූයේ ටවුන් හෝල් චතුරශ්රයේ පැවැති විස්මිත ගිනිකෙළි සංදර්ශනයකින් සහ ගිනිමය මූර්ති ප්රදර්ශනයකිනි.
සූර්ය දින දර්ශනයට වඩා දින 11ක් පමණ කෙටි වන ලූනා දින දර්ශනය, චීනයට පමණක් නොව බොහෝ ගිනිකොනදිග ආසියානු රටවලට සංස්කෘතික වශයෙන් ඉතා වැදගත් වේ. මෙවර ලෙස්ටර් උත්සවයේ විශේෂම අංගයක් වූයේ වසර 300කට වඩා පැරණි ‘බියෑන් ලියෑන්’ කලාවයි. එහිදී ශිල්පීන් ඉතා රහසිගත සහ වේගවත් උපක්රම භාවිත කරමින් මොහොතකින් තම මුහුණේ පැළඳ සිටින වර්ණවත් සේද වෙස්මුහුණු මාරු කරමින් ප්රේක්ෂකයින් මවිතයට පත් කළහ.
මීට අමතරව, සාම්ප්රදායික පංකා සහ රිබන් නර්තන, යුඒ (Yue) ඔපෙරා ගායනා සහ ‘පීපා’ (Pipa) නම් වූ තත් වාද්ය භාණ්ඩ මඟින් නිකුත් වූ මියුරු සංගීතය නගරයට එක් කළේ ආකර්ශනීය සජීවී බවකි. ජුබිලි චතුරශ්රයෙන් ඇරඹුණු දැවැන්ත පෙරහැරේ ගමන් කළ මකරුන් චීන සංස්කෘතියේ පෞරාණිකත්වය සහ අභිමානය මනාව විදහා දැක්වීය.
