මෑතකදී සිදු කරන ලද කලාපීය සමීක්ෂණයකට අනුව, මේ බව සංඛ්යා ලේඛන මගින්ද මනාව තහවුරු වී ඇත. එහිදී විශේෂයෙන්ම ඉන්දුනීසියාව සියයට 90ක ඉහළම ප්රතිශතයක් ලබා ගනිමින් ප්රමුඛස්ථානයට පත්ව ඇත්තේ, එරට වැසියන් දෛනිකව වැඩිපුරම සිනහවෙන් සහ සතුටින් ගත කරන බව පසක් කරමිනි.
ඉන්දුනීසියාවට නොදෙවෙනි උණුසුම් බවක් කාම්බෝජය (89%) සහ ලාඕසය (88%) තුළින්ද දැකගත හැකිය. මෙම රටවල් ත්රිත්වය ආසියාවේ සතුටින්ම පසුවන රටවල් ලෙස පෙරමුණ ගෙන සිටින්නේ ඔවුන්ගේ ඇති ශක්තිමත් ප්රජා සබඳතා සහ ඉතා සැහැල්ලු සමාජ සංස්කෘතිය නිසාය. කාර්යබහුල නගරයක හෝ ඉතා දුෂ්කර ගම්මානයක වුවද, නන්නාදුනන සංචාරකයෙකුට වුවද පිලිගැනීමට ඔවුන් සැදී පැහැදී සිටින්නේ සිනහමුසු මුහුණිනි.
සෙසු රටවල් දෙස බැලීමේදී වියට්නාමය (82%), පිලිපීනය සහ මැලේසියාව (81%) වැනි රටවල්ද ඉතා ඉහළ මට්ටමක පසුවෙයි. තායිලන්තය සහ සිංගප්පූරුව වැනි රටවල තරමක අඩු ප්රතිශතයක් වාර්තා වුවද, සමස්තයක් ලෙස ගිනිකොනදිග ආසියාව යනු ජීවිතය උපරිමයෙන් භුක්ති විඳින මිනිසුන් වසන කලාපයකි.
ආර්ථික දියුණුවට වඩා සංස්කෘතික බැඳීම් සහ එකිනෙකා කෙරෙහි දක්වන සුහදශීලී බව සතුටට ප්රධානතම හේතුව වන බව මෙම දත්ත අපට කියා දෙයි.
