මෙම සිනමා නිර්මාණය සඳහා ශ්රී ලංකාවේ ජනප්රිය නළු නිළියන් සහ දක්ෂ හඬ නළු නිළියන් රැසක් සිය දායකත්වය සපයා තිබෙනවා. බිමල් ජයකොඩි, කළණ ගුණසේකර, හසලක තුෂාර, කසුනි කාවින්දි, සුරංග රණවක, අතුල ජයසිංහ, රේණුකා බාලසූරිය, ත්රිලක්ශනී රත්නායක, මනෝජා ප්රනාන්දු, ශ්යාමලී ලිවේරා, සහ ලකයි සිකයි මෙහි හඬ කවන ශිල්පීන් අතර ප්රධාන තැනක් ගන්නවා. ඔවුන්ගේ රංගන කුසලතාව සහ හඬ පෞරුෂය, චිත්රපටයේ චරිත වලට ජීවය ලබා දෙන බවට සැකයක් නැහැ.
'නතාරී' සජීවීකරණ චිත්රපටය අධ්යක්ෂණය කරන්නේ කසුන් චන්ද්රනාත් පතිරණයි. මීට පෙර 'නයිට් රයිඩර්' සිංහල සිනමාපටය අධ්යක්ෂණය කරමින් ඔහු සිනමා ක්ෂේත්රයේ කැපී පෙනෙන සලකුණක් තැබුවා. 'නතාරී' හරහා ඔහු තවත් සිනමා නිර්මාණයක් සමගින් ප්රේක්ෂකයින් ඉදිරියට පැමිණෙන්නේ ශ්රී ලාංකේය සිනමාවට නව තාක්ෂණික සහ කලාත්මක වටිනාකමක් එක් කරමිනුයි.
ශ්රී ලංකාවේ සජීවීකරණ නිර්මාණ ක්ෂේත්රය මේ වන විට ශීඝ්රයෙන් දියුණු වෙමින් පවතින අතර, 'නතාරී' වැනි චිත්රපටයක් නිෂ්පාදනය වීම, අනාගතයේදී තවත් මෙවැනි ගුණාත්මක නිර්මාණ බිහිවීමට මඟ විවර කරනු ඇතැයි අපට විශ්වාස කළ හැකියි. මෙය සමස්ත සිනමා ප්රජාවට සහ රසිකයන්ට ආඩම්බර විය හැකි සුවිශේෂී අවස්ථාවක්.
