මෙම උත්කර්ෂවත් විවෘත කිරීමේ උත්සවය සඳහා චීනයේ ශ්‍රී ලංකා තානාපති මජින්ත ජයසිංහ මහතා ඇතුළු සම්භාවනීය අමුත්තන් රැසක් සහභාගී වූහ. ඔවුන් අතර නියෝජ්‍ය දූත මණ්ඩල ප්‍රධානී පූර්ණිමා ගුණසේකර මහත්මිය, අමාත්‍ය (වාණිජ) කේ.ඩී.එන්. කොඩිකාර මහතා සහ ආචාර්ය සතීෂ්කුමාර් ශ්‍රීහරන් මහතා ඇතුළු තවත් බොහෝ ගෞරවනීය අමුත්තන් විය.
මෙම විචිත්‍රවත් සූපශාස්ත්‍ර ව්‍යාපෘතියේ ආරම්භකයා වන්නේ ප්‍රවීණ ශ්‍රී ලාංකික ව්‍යවසායකයෙකු වන චිරන්ජය උඩුමුල්ලගේ මහතා ය. ඔහුගේ අරමුණ වී ඇත්තේ ශ්‍රී ලංකාවේ අව්‍යාජ රසය, පොහොසත් උරුමය සහ විචිත්‍රවත් ආහාර පිසීම බීජිංහි හදවතටම ගෙන ඒමයි.
Cinnara අවන්හල ශ්‍රී ලංකාවේ සුවඳවත් කුළුබඩු සහ අනන්‍ය ආහාර පිසීමේ ක්‍රමවේදයන් භාවිතයෙන් සකස් කරන ලද සූපශාස්ත්‍ර අත්දැකීමක් චීන සහ ජාත්‍යන්තර ආහාර ලෝලීන්ට ලබා දීමට සූදානම් ය. මෙය බීජිං නුවර වෙසෙන ශ්‍රී ලාංකිකයන්ට තම මවුබිමේ රසය විඳීමටත්, චීන ජනතාවට ශ්‍රී ලංකාවේ සංස්කෘතිය රසවත් ලෙස අත්හදා බැලීමටත් කදිම අවස්ථාවක් වනු ඇත.
Cinnara අවන්හල විවෘත කිරීම ශ්‍රී ලංකාවේ සංස්කෘතිය හා ආහාර ප්‍රවර්ධනය කිරීමේදී වැදගත් පියවරක් වන අතර, එය දෙරට අතර මිත්‍රත්වය තවදුරටත් ශක්තිමත් කිරීමට දායක වනු නොඅනුමානය.
