"City of New Lights" යන තේමාව යටතේ දකුණු ජකර්තාහි Pondok Indah Mall 3 හි පිහිටි City Hall හිදී මෙම දැවැන්ත විලාසිතා දැක්ම පැවැත්වුණේ 2026 ඔක්තෝබර් 26 සිට නොවැම්බර් 1 දක්වා කාලය තුළයි. 2027 වසර සඳහා වන ඉදිරි විලාසිතා ප්‍රවණතා කලින්ම ක්ෂේත්‍රයට හඳුන්වා දෙමින්, අනාගතයේ අපගේ ඇඳුම් අලංකාර කරන අලුත්ම නිර්මාණ රැසක් මෙහිදී වේදිකාවට පැමිණියා.
දකුණු ආසියාතික සංස්කෘතික උරුමයන් සහ නූතන නිර්මාණශීලීත්වය එකට මුසු කරමින් නිර්මාණකරුවන් 111 දෙනෙකුගේ අලුත්ම විලාසිතා එකතුව මෙහිදී නිරූපණය කෙරුණා. ජකර්තා විලාසිතා සතියේ සභාපතිනී ස්විඩා අලිස්ජාබානාගේ (Svida Alisjahbana) සංකල්පයට අනුව, මෙම උත්සවයේ ප්‍රධාන අරමුණ වූයේ ජකර්තා නගරය ගෝලීය විලාසිතා කේන්ද්‍රස්ථානයක් බවට පත්කිරීමයි.
දකුණු ආසියාව, ආසියාව සහ ඕස්ට්‍රේලියාව එකිනෙක යා කරන පාලමක් ලෙස විලාසිතා ක්ෂේත්‍රය ඔස්සේ නව පරම්පරාවේ නිර්මාණකරුවන්ට ජාත්‍යන්තර තලයට පිවිසීමට මෙයින් විශාල අවස්ථාවක් හිමි වුණා. සති එකහමාරක් පුරා පැවැති මෙම විලාසිතා සතිය තුළ නවක නිර්මාණකරුවන් ඇගයීමේ වැඩසටහන්, Fashion Force Awards, Fashionlink සහ Dewi Fashion Knights වැනි සුවිශේෂී ප්‍රදර්ශන රැසක් ඇතුළත් වුණා.
