TIN සහතිකය අනිවාර්ය වන ප්රධාන අවස්ථා මොනවාද?
මෙම නව නීතියත් සමඟ පහත සඳහන් සේවාවන් ලබා ගැනීමේදී ඔබට අනිවාර්යයෙන්ම TIN සහතිකය ඉදිරිපත් කිරීමට සිදු වේ:
නව බැංකු ගිණුම් ආරම්භ කිරීම: බැංකුවක නව ගිණුමක් විවෘත කිරීමට මෙන්ම ක්රෙඩිට් කාඩ් (Credit Card) සඳහා අයදුම් කිරීමට දැන් TIN සහතිකය අවශ්ය වේ.
වාහන ලියාපදිංචිය හා බලපත්ර අලුත් කිරීම: නව වාහන ලියාපදිංචි කිරීමේදී මෙන්ම, වාහන ආදායම් බලපත්ර අලුත් කර ගැනීමේදීත් මෙම සහතිකය අත්යවශ්ය වේ.
ගොඩනැගිලි සැලසුම් අනුමත කර ගැනීම: නිවසක් හෝ වෙනත් ගොඩනැගිල්ලක් තැනීමේදී එහි සැලසුම් අනුමත කර ගැනීමට ද TIN අංකය අවශ්ය වේ.
සමාගම් කොටස් පැවරීම: සමාගම්වල කොටස් පැවරීමේ කටයුතුවලදී ද මෙය ක්රියාත්මක වේ.
දේශීය ආදායම් දෙපාර්තමේන්තුවෙන් උපදෙස්
දේශීය ආදායම් දෙපාර්තමේන්තුව පහත දැක්වෙන උපදෙස් නිකුත් කර තිබෙනවා. ඔබ දැනටමත් TIN අංකයක් ලබාගෙන නොමැති නම්, TIN අංකයක් ලබා ගන්න. දේශීය ආදායම් දෙපාර්තමේන්තුවේ ඊ-සේවාව හරහා එය ඉල්ලුම් කළ හැකියි. ඔබ සතුව වලංගු TIN සහතිකයක් තිබෙන බව තහවුරු කර ගන්න. අවශ්ය විට අදාළ ආයතනය හෝ නිලධාරියා වෙත TIN සහතිකයේ පිටපතක් ලබා දෙන්න.
