විශේෂයෙන්ම, සෞඛ්ය ප්රවර්ධන කාර්යාංශයේ පැවති මාධ්ය හමුවකදී වෛද්යවරයා අනාවරණය කළේ නව යොවුන් වියේ තරුණ තරුණියන් අතර බඩවැල් ආශ්රිත රෝග වැඩි වීමේ ප්රවණතාවක් පවතින බවයි.
අපේ ජීවන රටාව සහ බඩවැල් අතර සම්බන්ධය මොකක්ද?
අපි ගන්නා ආහාර රටාව සහ අපේ මානසික තත්ත්වය අතර පුදුමාකාර සම්බන්ධයක් තියෙනවා. ඒ ගැන විශේෂඥ වෛද්ය සුපුන් කුලතුංග මහතා දැක්වූයේ මෙවැනි අදහසක්:
"අපේ බඩවැල් සහ මොළය අතර සංකීර්ණ සම්බන්ධතාවයක් තියෙනවා. ඒකට අපි කියනවා Gut-Brain Axis කියලා. ඒ කියන්නේ අපි ගොඩක් ආතතියක (Stress) ඉන්නවා නම්, කාංසාව වගේ දේවල් තියෙනවා නම්, ඒක ඉබේම අපේ බඩවැල්වලට දැනෙනවා. මෙන්න මේ සංකීර්ණ ක්රියාදාමය සහ අපි ගන්නා කෑමවල ප්රශ්න එකතු වීම නිසා IBS (Irritable Bowel Syndrome) තත්ත්වයක් ඇති වෙන්න පුළුවන්."
තරුණ පරපුරට බඩවැල් රෝග වැඩිපුර වැළඳෙන්නේ ඇයි?
අද වන විට අපේ රටේ තරුණ ප්රජාව අතර Irritable Bowel Syndrome (IBS) තත්ත්වය ඉතා වේගයෙන් වැඩි වෙමින් පවතී. මෙයට ප්රධානම හේතු ලෙස වෛද්යවරයා පෙන්වා දෙන්නේ:
කෘත්රිම ආහාර සඳහා වැඩි නැඹුරුතාවක් දැක්වීම: එදිනෙදා ජීවිතයේ කාර්යබහුල බවත්, පහසුවත් නිසා බොහෝ තරුණ තරුණියන් ස්වභාවික ආහාර රටාවෙන් ඈත් වී කෘත්රිම, ක්ෂණික ආහාර වෙත නැඹුරු වී සිටීම.
ස්වභාවික පෝෂ්ය පදාර්ථ මගහැරීම: ආහාර වේලට එළවළු, පලතුරු, කොළ වර්ග සහ ධාන්ය වර්ග එකතු කරගැනීම ක්රමයෙන් අඩුවීම.
වැඩිවන මානසික ආතතිය: අධික කාර්යබහුල ජීවන රටාව සහ විවිධ මානසික පීඩන නිසා බඩවැල්වල ස්වභාවික ක්රියාකාරීත්වයට බාධා ඇතිවීම.
ඔබ කළ යුත්තේ කුමක්ද?
ස්වභාවික ආහාර වෙත යන්න: ඔබේ දෛනික ආහාර වේලට නැවුම් එළවළු, පලතුරු, පලා වර්ග සහ ධාන්ය බහුලව එකතු කරගන්න. කෘත්රිම හා පැකට් කරන ලද ආහාර අවම කරන්න.
ජීවන රටාව වෙනස් කරගන්න: ව්යායාම සඳහා දවසින් යම් කාලයක් වෙන් කරගන්න.
මානසික ආතතිය පාලනය කරන්න: අධික ආතතිය සහ කාංසාව බඩවැල්වලට සෘජුවම බලපාන නිසා, යහපත් මානසික සෞඛ්යයක් පවත්වා ගැනීමට උත්සාහ කරන්න.
රෝග ලක්ෂණ නොසලකා හරින්න එපා: මලපහ පිට කිරීමේ අක්රමිකතා, නිතර බඩ පිපීම හෝ බඩේ කැක්කුම් වැනි ලක්ෂණ පවතී නම්, එය සාමාන්ය දෙයක් ලෙස නොසලකා කඩිනමින් වෛද්ය උපදෙස් ලබාගන්න.
ඔබේ සෞඛ්යය ඔබේ අතේය. පුංචි වෙනස්කම් කිහිපයකින් ඔබේ බඩවැල්වල සෞඛ්යය ආරක්ෂා කරගනිමින් නිරෝගී ජීවිතයක් ගත කරන්න අදම අරඹන්න.
