TOI-791 b සහ TOI-791 c ලෙස නම් කර ඇති මෙම නව ග්රහලෝක පෘථිවියේ සිට ආලෝක වර්ෂ 1,110ක් පමණ දුරින් පිහිටි, හිරුට සමාන තාරකාවක් වටා කක්ෂගත වී තිබෙනවා. ඒවා ප්රමාණයෙන් බ්රහස්පතිට සමාන වුවද, ස්කන්ධයෙන් ඇත්තේ ඉතා සුළු ප්රමාණයක් පමණයි.
TOI-791 b ග්රහලෝකයට ඇත්තේ බ්රහස්පතිගේ ස්කන්ධයෙන් 3ක් පමණක් වන අතර, TOI-791 c ග්රහලෝකය බ්රහස්පතිට වඩා විශාල වුවද එහි ස්කන්ධය ඇත්තේ බ්රහස්පතිගේ ස්කන්ධයෙන් 5.9ක් පමණයි.
මෙම ග්රහලෝකවල ඝනත්වය බ්රහස්පතිට වඩා 28 සිට 35 ගුණයකින් අඩු වන අතර, එය කපු පුළුන් වලටත් වඩා අඩු ඝනත්වයකින් යුක්ත වෙනවා. විද්යාඥයින් විශ්වාස කරන්නේ ඒවා ප්රධාන වශයෙන් කුඩා ග්රහලෝක හරයක් වටා ඇති හයිඩ්රජන් සහ හීලියම් වලින් සමන්විත වන බවයි.
නාසා ආයතනයේ TESS (Transiting Exoplanet Survey Satellite) යානය මඟින් මෙම ග්රහලෝක තාරකාව ඉදිරියෙන් ගමන් කරන විට එහි දීප්තියේ ඇති වූ කුඩා වෙනස්කම් නිරීක්ෂණය කරමින් සොයාගෙන තිබෙනවා. පසුව පර්යේෂකයින් විසින් පෘථිවි පදනම් කරගත් දුරේක්ෂ ආධාරයෙන් මෙම සොයාගැනීම තහවුරු කරනු ලැබුවා.මෙම ග්රහලෝක දෙක ඉතා දුර්ලභ කාණ්ඩයකට අයත් වෙනවා. සුපර්-පෆ් ග්රහලෝක අතලොස්සක් පමණක් මෙතෙක් හඳුනාගෙන ඇති අතර, එකම තාරකාවක් වටා ගමන් කරන මෙවැනි ග්රහලෝක දෙකක් හමුවීම මඟින් දැවැන්ත ග්රහලෝක නිර්මාණය වන සහ පරිණාමය වන ආකාරය අධ්යයනය කිරීමට තාරකා විද්යාඥයින්ට අනර්ඝ අවස්ථාවක් උදා කර දී තිබෙනවා.
