ඇමරිකාවේ සිදුකරන ලද දීර්ඝකාලීන පර්යේෂණයකින් අනාවරණය වී ඇත්තේ වයස අවුරුදු 12 වන විට ස්මාර්ට් ජංගම දුරකථන හිමි දරුවන් අතර මානසික අවපීඩනය සහ අධික බර වැනි සෞඛ්ය ගැටලු පවතින බවයි. විශේෂයෙන්ම, ස්මාර්ට් ජංගම දුරකථන භාවිත කරන දරුවන්ගේ නින්දේ කාලය සාමාන්ය ප්රමාණයට වඩා අඩු බව ද පර්යේෂණවලින් තහවුරු වී තිබෙනවා.
කෙසේ වෙතත්, සියලුම පර්යේෂණවලින් එකම ප්රතිඵල ලැබී නැහැ. සමහර විශේෂඥයන් පෙන්වා දෙන්නේ ස්මාර්ට් ජංගම දුරකථනයක් ලැබෙන වයසට වඩා, එය භාවිතා කරන ආකාරය කෙරෙහි වැඩි අවධානයක් යොමු කිරීම වැදගත් බවයි. දුරකථනය අතේ ඇති පමණින් සෞඛ්ය ගැටලු ඇතිවන බවක් මින් අදහස් නොවන අතර, පවතින සබඳතාවයන් නිවැරදි කර ගැනීම සහ තාක්ෂණය සමඟ සෞඛ්ය සම්පන්න ජීවන රටාවක් ගොඩනගා ගැනීම මෙහිදී අත්යවශ්ය වනවා.
මෙම තාක්ෂණික යුගයේ දරුවන්ගේ යහපැවැත්ම වෙනුවෙන් දෙමාපියන්ට කළ හැකි දේවල් කිහිපයක් තිබෙනවා. විශේෂයෙන්ම, රාත්රී කාලයේදී ජංගම දුරකථනය නිදන කාමරයෙන් ඉවත් කර තැබීමෙන් දරුවාගේ නින්දේ ගුණාත්මකභාවය ඉහළ නංවා ගත හැකියි. දරුවා සමඟ සාකච්ඡා කර තිර කාලය (screen time) සීමා කිරීම සහ ඔවුන්ගේ මානසික හා ශාරීරික සෞඛ්යය පිළිබඳව නිරන්තර අවධානයෙන් සිටීම දෙමාපියන්ගේ වගකීමක්. SNE ඇසුරිනි
