බ්රිතාන්යයේ හෙන්රි ඕල්ඩ්රිජ් ඇන්ඩ් සන් (Henry Aldridge and Son) වෙන්දේසි ආයතනය පවසන පරිදි, මෙය වසර ගණනාවකට පසු ලැබුණු අතිශය දුර්ලභ, "පරම්පරාවකට එක් වරක් පමණක් දැකිය හැකි" අවස්ථාවක්.
මෙම ඓතිහාසික ඇඳුම අයත් වූයේ ලෝරා මේබල් ෆ්රැන්කටෙලි (Laura Mabel Francatelli) නම් වූ පළමු පන්තියේ මගියෙකුටයි. ඇය එවකට ප්රකට විලාසිතා නිර්මාණකාරියක වූ ලුසී ඩෆ් ගෝර්ඩන්ගේ ලේකම්වරිය ලෙස සේවය කළාය.
1912 අප්රේල් 14 වැනිදා රාත්රියේ ටයිටැනික් නෞකාව අයිස් කන්දක ගැටී මාරාන්තික අනතුරට මුහුණ දෙන විට, ලෝරා ඇතුළු ඇයගේ සේවායෝජකයන් තිදෙනා අංක එක දරන ජීවිතාරක්ෂක බෝට්ටුවට ගොඩවීමට සමත් වුණා.
මෙම ජීවිතාරක්ෂක කබායේ විශේෂත්වය වන්නේ එහි ඇති ඓතිහාසික වටිනාකමයි. කැන්වස් රෙද්දෙන් නිමවා කෝක් (Cork) පුරවන ලද සාක්කු 12කින් සමන්විත මෙම බීජ් (Beige) පැහැති කබායේ, ලෝරා සමඟ එම බෝට්ටුවේ සිටි අනෙක් දිවි ගලවා ගත් පිරිසගේ අත්සන් ද සටහන් වී තිබීම විශේෂත්වයක්.
වෙන්දේසි ආයතනය ඇස්තමේන්තු කරන පරිදි මෙම කබාය පවුම් 250,000ත් 350,000ත් (ආසන්න වශයෙන් ඇමරිකානු ඩොලර් 339,000 සිට 474,000 දක්වා) අතර ඉහළ මිලකට අලෙවි වනු ඇතැයි අපේක්ෂා කෙරේ.
වසර 114කට පෙර "කිසිදා ගිල්විය නොහැකි" බවට පාරට්ටු කළ ටයිටැනික් නෞකාව මිනිස් පැය තුනකටත් අඩු කාලයකදී මුහුදු බත් වන විට, එහි ප්රමාණවත් ජීවිතාරක්ෂක බෝට්ටු නොතිබීම හේතුවෙන් 1,500කට අධික පිරිසකට සිය ජීවිත අහිමි වුණා. මෙම වෙන්දේසිය ටයිටැනික් ඉතිහාසයට ආදරය කරන්නන් සහ කෞතුක භාණ්ඩ එකතු කරන්නන් අතර දැනටමත් විශාල උනන්දුවක් ඇති කර තිබේ.
