කොළඹ වරාය නගරයේ නවතම ජීවන විලාසිතාව සහ ආහාර ගමනාන්තය වන 'The Food Harbour' නිල වශයෙන් විවෘත කිරීමේ සමාරම්භක උත්සවය ඊයේ දින ඉතා උත්කර්ෂවත් අයුරින් පැවැත්වුණා.
මෙය කොළඹ වරාය නගරයේ විවෘත වූ මෙරට ප්රථම "Food Harbour" අවන්හල ලෙස ඉතිහාසයට එක්වනවා.
ශ්රී ලංකාවේ වේගයෙන් දියුණු වන නාගරික ජීවන විලාසිතාවේ සහ සංචාරක ක්ෂේත්රයේ වැදගත් සන්ධිස්ථානයක් ලෙස මෙම ‘The Food Harbour’ හඳුන්වා දිය හැකියි. ජාත්යන්තර ප්රමිතියෙන් යුත් මෙරට පළමු එළිමහන් ආහාර සහ පාන ගමනාන්තය ලෙස මෙය නිර්මාණය කර ඇති අතර, ලොව පුරා විහිදුණු විවිධ රසයන් සහ දේශීය ප්රණීත ආහාර රැසක් එකම වහලක් යටදී අත්විඳීමට මෙහිදී අවස්ථාව හිමිවෙනවා.
එය ඔබේ සැඳෑව වඩාත් වර්ණවත් කරන සොඳුරු විවේකස්ථානයක් ද වනු නොඅනුමානයි. ජාත්යන්තර සහ ශ්රී ලාංකික ප්රමුඛ පෙළේ වෙළඳ සන්නාම රැසක එකතුවෙන් හැඩවන ‘The Food Harbour’, අවන්හල මෙරට ආර්ථිකයට ද විශාල ශක්තියක් ලබා දෙයි.
නව රැකියා අවස්ථා නිර්මාණය කිරීම, දේශීය ව්යවසායකයින්ට නව මාවතක් විවර කිරීම සහ ශ්රී ලංකාවේ සංචාරක කර්මාන්තය නව මානයකට ඔසවා තැබීම මෙහි ප්රධාන අරමුණක් වී තිබෙනවා.
ආයෝජන, සංස්කෘතික අනන්යතාවය සහ මිනිසුන් අතර සබඳතා ගොඩනංවන සුවිශේෂී කේන්ද්රස්ථානයක් ලෙස කොළඹ වරාය නගරය ලෝකය හමුවේ තැබීමට ගෙන යන දැක්ම මෙලෙස සැබෑ වෙමින් පවතියි.
