අප ජීවත් වන මේ වේගවත් ලෝකයේ, අපි බොහෝවිට ක්ෂණික සහ පහසු දේට හුරු වෙලා ඉන්නවා. ඒ අතරින් බීම වර්ග තෝරාගැනීමේදීත් අපි සිසිල් බීම, කෝපි පාන වැනි දේවල්වලට වැඩි නැඹුරුවක් දක්වනවා. නමුත් මේ කිසිම දෙයකට සම කරන්න බැරි, අපේ ශරීරයට අත්යවශ්යම පානයක් තිබෙනවා. ඒ තමයි පිරිසිදු ජලය.
වෛද්යවරුන් සහ පෝෂණවේදීන් නිතරම කියන දෙයක් තමයි, දවසකට ප්රමාණවත් තරම් ජලය පානය කිරීම අපේ සෞඛ්යයට ඉතාම වැදගත් බව. ජලය, ඔක්සිජන් සහ හයිඩ්රජන් අණු වලින් සෑදුණු ස්වභාවික සංයෝගයක්. ඒ නිසා අපේ ශරීරයට එය කිසිම අහිතකර බලපෑමක් කරන්නේ නැහැ.
අපගේ ශරීරයෙන් 60%ක් පමණ ජලයෙන් සමන්විත වන අතර, එය ශරීරයේ බොහෝ කාර්යයන් සඳහා දායක වෙනවා. උදාහරණයක් ලෙස, එය:
ශරීරයේ උෂ්ණත්වය පාලනය කිරීමට
පෝෂ්ය පදාර්ථ සහ ඔක්සිජන් සෛල වෙත ගෙන යාමට
වකුගඩු හා අක්මාවෙන් විෂ ද්රව්ය ඉවත් කිරීමට
සන්ධි ලිහිසි කිරීමට
සම සජලනය කිරීමට උදව් වෙනවා.
පුද්ගලයකු දිනකට පානය කළ යුතු ජල ප්රමාණය ඔහුගේ ශරීර ස්කන්ධය, ස්ත්රී පුරුෂභාවය, ක්රියාශීලී බව සහ දේශගුණික තත්ත්වය මත වෙනස් වෙනවා. කෙසේ නමුත්, සාමාන්ය වෛද්ය මතය වන්නේ දිනකට අවම වශයෙන් ලීටර් 2.5 - 4ක් අතර ප්රමාණයක් පානය කිරීම ඉතා යෝග්ය බවයි.
දිනපතා ප්රමාණවත් තරම් ජලය පානය කිරීමෙන් අපට බොහෝ රෝග වලින් ආරක්ෂා වෙන්න පුළුවන්. ජලය අඩුවෙන් පානය කරන අයට ශරීරය විජලනය වීම, මුත්රාශයේ ගල් ඇති වීම, සහ වකුගඩු රෝග වැනි බරපතල තත්ත්වයන් ඇති වෙන්න පුළුවන්.
උදෑසන අවදි වූ විගස වතුර වීදුරුවක් පානය කිරීම ඉතා හොඳ පුරුද්දක්. රාත්රී නින්දෙන් පසු අපගේ ශරීරය තරමක් විජලනය වී තිබෙනවා. උදෑසන ජලය පානය කිරීමෙන් ශරීරයේ අභ්යන්තර පද්ධති නැවත සක්රීය වන අතර ආහාර මාර්ගයේ එකතු වී ඇති අපද්රව්ය ඉවත් කිරීමටත් එය උපකාරී වෙනවා.
මෙමඟින් බහිස්රාවීය පද්ධතියට නැවුම් ආරම්භයක් ලැබෙන අතර, මුළු දවස පුරාම ශරීරය හොඳින් ක්රියාත්මක වීමට අවශ්ය පසුබිම සකස් වෙනවා.
ප්රමාණවත් තරම් ජලය පානය කිරීමෙන් ශරීරයේ නිරෝගී බව ආරක්ෂා වනවා පමණක් නොව, අපගේ සමට සහ හිසකෙස් වලටත් එය ඉතා හිතකරයි. හොඳින් ජලයෙන් පෝෂණය වූ සමක් දීප්තිමත් සහ සිනිඳු බවක් පෙන්නුම් කරනවා.
නිරෝගී ජීවිතයකට පදනම වන්නේ ප්රමාණවත් තරම් පිරිසිදු ජලය පානය කිරීමයි. ඒ නිසා, අද ඉඳලාම පුළුවන් තරම් ජලය බොන්න පුරුදු වෙන්න. ඔබේ ශරීරයට සහ මනසට එයින් ලැබෙන නැවුම් බව ඔබටම අත්විඳින්න පුළුවන්.
