මෙය ස්විස් පාර්ලිමේන්තු ඉතිහාසයේ ශ්රී ලාංකික සම්භවයක් ඇති අයෙකු ලැබූ ඉහළම ගෞරවය ලෙසයි සැලකෙන්නේ.
ෆාරාගේ මෙම ජයග්රහණය හුදෙක් පදවියකට පමණක් සීමා වූවක් නොවේ. ස්විට්සර්ලන්ත පාර්ලිමේන්තු සම්ප්රදායට අනුව, පළමු සහ දෙවන උප සභාපතිවරුන් ක්රමයෙන් සභාපති ධුරයට පත්වීම සාමාන්ය සිරිතයි. ඒ අනුව, ඇය 2027 වසරේ පැවැත්වෙන මීළඟ මැතිවරණයෙන් ද ජයග්රහණය කළහොත්, 2028 වසරේදී ස්විට්සර්ලන්ත ජාතික කවුන්සිලයේ සභාපතිනිය ලෙස පත්වීමට නියමිතයි. මෙය ස්විට්සර්ලන්තයේ මහජන ඡන්දයෙන් පත්විය හැකි ඉහළම තනතුර වීම විශේෂත්වයක්.
වෘත්තියෙන් හෙද නිලධාරිනියක මෙන්ම හෘද රෝග පිළිබඳ විශේෂඥවරියක වන ෆාරා, සෞඛ්ය සහ සමාජ සුබසාධන ක්ෂේත්රවල ප්රබල හඬක් බවට පත්ව සිටිනවා. 1998 වසරේදී, එනම් වයස අවුරුදු හයේදී සිය පවුල සමඟ ස්විට්සර්ලන්තයට සංක්රමණය වූ ඇය, මූලික අධ්යාපනය ලැබුවේ කොළඹ බිෂොප් විද්යාලයෙන්.
2021 වසරේදී ග්රෙන්චන් (Grenchen) නගර සභාවට තේරී පත්වෙමින් සිය දේශපාලන ගමන ආරම්භ කළ ඇය, අද වන විට ස්විට්සර්ලන්තයේ සමාජ ප්රජාතන්ත්රවාදී පක්ෂයේ ප්රධාන පෙළේ ක්රියාකාරී සාමාජිකාවක්.
දක්ෂ දේශපාලනඥවරියක ලෙස ඇය ප්රධාන වශයෙන් සෞඛ්ය ප්රතිපත්ති, විදේශ ප්රතිපත්ති සහ සැමට සමාන අවස්ථා ලබාදීම වෙනුවෙන් කැපවී සිටිනවා. විශේෂයෙන්ම ආබාධිත පුද්ගලයින් සවිබල ගැන්වීම සහ ආහාර නාස්තිය අවම කිරීමේ ව්යාපෘති සඳහා ඇය දක්වන දායකත්වය බොහෝ දෙනාගේ පැසසුමට ලක්වූවක්.
මොහොමඩ් "රූමි" මොහිදීන් සහ ඉස්ෆියා රූමි යුවළගේ ආදරණීය දියණිය වන ෆාරා, ලබන වසරේ (2026) මුලදී සිය උපන් බිම වන ශ්රී ලංකාවේ සංචාරයක නිරත වීමට ද බලාපොරොත්තුවෙන් පසුවනවා.
ලෝකයේ බලවත් රාජ්යයක දේශපාලන ඉහළම තලයට යමින් ශ්රී ලාංකික අපට අභිමානයක් එක් කළ ෆාරා රූමිගේ මේ ගමන, ඕනෑම අභියෝගයක් ජයගත හැකි බවට අපේ තරුණ පරපුරට කදිම නිදසුනක්.
