සංඛ්‍යා ශාස්ත්‍රයට අනුව '1' අංකය නව ආරම්භයන්, නායකත්වය සහ පුද්ගලික ශක්තිය සංකේතවත් කරයි. එම '1' අංකය හතර වතාවක් පුනරාවර්තනය වන 11:11, මෙම ශක්තීන්ගේ සුවිශේෂී වර්ධනයක් සනිටුහන් කරයි. එය හරියට, ඔබේ සිතුම් පැතුම් විශ්වය වෙත වේගයෙන් ගෙන යන විශේෂ නාලිකාවක් විවෘත වීමක් ලෙස සැළකිය හැකිය.
මෙවන් දිනකදී, අපගේ සිතුවිලි සහ අරමුණු කෙරෙහි විශේෂයෙන් අවධානය යොමු කිරීම වැදගත් වේ. විශ්වය අපගේ අභ්‍යන්තර හඬට වඩාත් සංවේදී වන මොහොතක් ලෙස මෙය සැලකෙන බැවින්, ඔබ යථාර්ථයක් බවට පත් කර ගැනීමට කැමති දේ පිළිබඳව පැහැදිලිව සහ ධනාත්මකව සිතා බලන්න.
සැක සිතුවිලි හෝ බිය වෙනුවට, ඔබ දැනටමත් ඔබේ සිහිනය සැබෑ කරගෙන ඇති බවට වූ විශ්වාසය හා හැඟීම ඇතිකර ගැනීම අත්‍යවශ්‍ය වේ. මෙමගින් ඔබ විශ්ව ශක්තිය සමඟ නිවැරදිව සමමුහුර්ත වන අතර, ඔබේ ප්‍රාර්ථනාවන් යථාර්ථය කරා ගෙන ඒම සඳහා අවශ්‍ය පියවර ගැනීමට විශ්වය ඔබට ඉඩ සලසයි.
11.11 යනු ඔබට ලැබෙන Wake-up Call ලෙස ද බොහෝ දෙනා අර්ථකථනය කරයි. එයින් අදහස් වන්නේ, ඔබ ඔබේ සැබෑ අරමුණ සොයා යන නිවැරදි මාර්ගයේ ගමන් කරන බවට විශ්වයෙන් ලැබෙන සංඥාවක් බවයි. මේ මොහොත භාවිතා කරමින්, ඔබගේ ඉලක්ක නැවත සමාලෝචනය කරන්න, ඔබේ සැබෑ ආශාවන් මොනවාදැයි හඳුනාගන්න, සහ ඒවා සාක්ෂාත් කර ගැනීම සඳහා අද දින සිටම ක්‍රියාත්මක විය යුතු ආකාරය ගැන සැලසුම් කරන්න.
හුදෙක් පැතුම් කිරීමට වඩා, ඒ වෙනුවෙන් ක්‍රියාවට නැංවීමට ඇති කැපවීම මෙම ද්වාරය හරහා ඔබේ ජීවිතයට ආශිර්වාද ගෙන එනු ඇත. එබැවින්, ඔබගේ සෑම සිහිනයක්ම සැබෑ වීමට නියමිත බව හදවතින්ම විශ්වාස කරමින්, ඉදිරි ගමන සඳහා අවශ්‍ය ධෛර්යය හා අධිෂ්ඨානය මෙම ශක්තිමත් දිනෙන් ලබාගන්න.
ඔබේ අතීත බාධා, බිය, සහ සැක අතහැර දමා, අද සිටම ඔබේ අරමුණු සහ ආශාවන් සවිබලගන්න. විශ්වය ඔබේ උත්සාහයට පිළිතුරු දෙනු ඇත.
